Plantun de Prouvènço

Pèr coumpara dos planto d'encò nostre

Bupleurum subovatum & Scrophularia vernalis

Bupleurum subovatum

Apiaceae Umbelliferae

Nom en français : Buplèvre ovale.

Descripcioun :
L'erbo-coupiero, di proun rare à l'ouro d'aro, trachis dins li champ e ermas en agriculturo bioulougico. Soun mitan primàri sèmblo bèn èstre la garrigo. Se recounèis à si fueio óuvalo un pau longo, qu'entouron la cambo (perso-fueio). Sis oumbello an de 2 à 3 raioun, ço que lou destrìo de Bupleurum rotundifolium que n'en a de 4 à 8 que se vèi dins li mémis endré. La planto èi marcado sus listo roujo, categourìo EN, en dangié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 1 à 2 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Champ de cerealo
Abriéu à juliet

Liò : Champ - Ermas - Óuliveto - Garrigo
Estànci : Mesoumediterran à Coulinen
Couroulougi : Mediterrano-touranienno
Ref. sc. : Bupleurum subovatum Link ex Spreng., 1813 (= Bupleurum protractum Hoffmanns. & Link )

Erbo-dis-escrolo(-dóu-printèms)

Scrophularia vernalis

Scrophulariaceae

Nom en français : Scrofulaire de printemps.

Descripcioun :
L'erbo-dis-escrolo-dóu-printèms se rescontro dins lis esclargido, lis orle de bos e tambèn li prado à rousèu (megafourbié), majamen dins lis Aup Marino. Se recounèis eisadamen qu'èi la souleto à faire de flour jauno. Li fueio, en couor, dounon d'èr à li de l'erbo-de-l'aiet (Allaria petiolata). Sènso èstre sus listo roujo, la planto es aparado en Prouvènço.

Usanço :
Couneissèn pas d'usanço particuliero pèr aquelo planto. Poudèn pensa, que coume lis àutris erbo-dis-escrolo es empouisounanto. Escriéure au site se n'en sabès mai.